ARADIVS RVFINVS
Princeps ingenio, fortunae munere princeps
aetatis, Rufine, tuae, cui prospera quaeque
admiranda tuis aequabat gloria rebus,
unus amor cunctis et praesidium trepidorum,
principibus quorum uiguisti tempore doctus
aut calcaria ferre bonis aut frena tyrannis.
VALERIVS PROCVLVS
Cum primis quos non onerauit gloria patrum
ponemus Proculum, uitae morumque decore
haud umquam indignum magnorum Publicolarum.
olli semper amor ueri et constantia, simplex
caelicolum cultus; non illum spernere posses,
et quamquam reuerendus erat, non inde timeres.
ANICIVS IVLIANVS
Cuius opes aut nobilitas aut tanta potestas,
cedenti cui non praeluxerit Amnius unus?
acer ab ingenio cunctisque accommodus idem
hic et carus erat, conferre iuuare paratus;
nam diues, tum celsus honoribus, et tamen illis
grandior aeterno complebat nomine Romam.
PETRONIVS PROBIANVS
Iactet se Fortuna aliis, quos iudice nullo
lucem ad Romuleam sua sola licentia uexit;
te, Probiane pudor, te felix gratia teque
Itala simplicitas morum et sollertia iuuit.
assidue quocirca, Augustis notus et hospes,
praemia magnorum tetulisti dignus honorum.
VERINVS
Uirtutem, Uerine, tuam plus mirer in armis,
eoos dux Armenios cum caede domares,
an magis eloquium, morum uitaeque leporem
et (nisi in officiis, quotiens tibi publica curae)
quod uitam innocuis tenuisti laetus in agris?
nullum ultra est uirtutis opus, nam si esset, haberes.
ARADIVS RVFINVS
Prīncēps īngĕnĭō, fōrtūnaē mūnĕrĕ prīncēps
aētātīs, Rūfīnĕ, tŭaē, cuī prōspĕră quaēquĕ
ādmīrāndă tŭīs aēquābāt glōrĭă rēbūs,
ūnŭs ămōr cūnctīs ēt praēsĭdĭūm trĕpĭdōrūm,
prīncĭpĭbūs quōrūm vĭgŭīstī tēmpŏrĕ dōctūs
aūt cālcārĭă fērrĕ bŏnīs aūt frēnă tўrānnīs.
VALERIVS PROCVLVS
Cūm prīmīs quōs nōn ŏnĕrāvīt glōrĭă pātrūm
pōnēmūs Prŏcŭlūm, vītaē mōrūmquĕ dĕcōrĕ
haūd ūmquam īndīgnūm māgnōrūm Pūblĭcŏlārūm.
ōllī sēmpĕr ămōr vēri ēt cōnstāntĭă, sīmplēx
caēlĭcŏlūm cūltūs; nōn īllūm spērnĕrĕ pōssēs,
ēt quāmquām rĕvĕrēndŭs ĕrāt, nōn īndĕ tĭmērēs.
ANICIVS IVLIANVS
Cūiŭs ŏpēs aūt nōbĭlĭtās aūt tāntă pŏtēstās,
cēdēntī cuī nōn praēlūxĕrĭt Āmnĭŭs ūnūs?
ācĕr ăb īngĕnĭō cūnctīsque āccōmmŏdŭs īdēm
hīc ēt cārŭs ĕrāt, cōnfērrĕ iŭvārĕ părātūs;
nām dīvēs, tūm cēlsŭs hŏnōrĭbŭs, ēt tămĕn īllīs
grāndĭŏr aētērnō cōmplēbāt nōmĭnĕ Rōmām.
PETRONIVS PROBIANVS
Iāctēt sē Fōrtūna ălĭīs, quōs iūdĭcĕ nūllō
lūcem ād Rōmŭlĕām sŭă sōlă lĭcēntĭă vēxīt;
tē, Prŏbĭānĕ pŭdōr, tē fēlīx grātĭă tēquĕ
Ītălă sīmplĭcĭtās mōrum ēt sōllērtĭă iūvīt.
āssĭdŭē quōcīrca, Aūgūstīs nōtŭs ĕt hōspēs,
praēmĭă māgnōrūm tĕtŭlīstī dīgnŭs hŏnōrūm.
VERINVS
Vīrtūtēm, Vērīnĕ, tŭām plūs mīrĕr ĭn ārmīs,
ēōōs dūx Ārmĕnĭōs cūm caēdĕ dŏmārēs,
ān măgĭs ēlŏquĭūm, mōrūm vītaēquĕ lĕpōrēm
ēt (nĭsi ĭn ōffĭcĭīs, quŏtĭēns tĭbĭ pūblĭcă cūraē)
quōd vītam īnnŏcŭīs tĕnŭīstī laētŭs ĭn āgrīs?
nūllum ūltra ēst vīrtūtĭs ŏpūs, nām si ēssĕt, hăbērēs.